या ठिकाणी प्राचीन काळापासून गणपतीचा आकार असलेली दगडामध्ये स्वयंभू मुर्ती दिसून येते. तसेच या मुर्तीची जुन्या अनुभवी लोकांकडून माहिती घेतली.

या ठिकाणाहून सज्जनगड किल्ला तसेच उरमोडी धरण दिसते, उरमोडी या नदीचा उगम कास तलाव परिसरातून झाला आहे. उरमोडी धरण १९९७ साली बांधण्यात आले. या ठिकाणाहून सूर्योदय अतिशय सुंदर दिसतो.

ही कमान पुरातन काळातील असून नैसर्गिकरित्या तयार झालेली आहे. या ठिकाणाला मंडप या नावाने ओळखले जाते.या कमानीच्या बाजूला एक छोट्या आकाराची कमान व गुफा आढळते. येथून कास तलाव व त्याच्या आजूबाजूचे जंगल दिसते. हे ठिकाणाहून सुर्यास्ताचा नजारा अतिशय सुंदर दिसतो.

या ठिकाणाहून मेढा परिसरातील कण्हेर नदी दिसते. मेरुलिंगपर्वत रांगाही येथून दिसतात.

शिवकालीन राजमार्गाने २ कि.मी आत गेल्यावर कुमुदिनी तलावाच्या समोरील बाजूस ही गुफा आहे. हे वन्यप्राण्यांच्या निवाऱ्याचे ठिकाण आहे.